W17 er ein open 17 fots trimaran konstruert av kanadiske Mike Waters. Teikningar er tilgjengelege for å byggja sjølv. Konstruktør Mike Waters har førti års røynsle med fleirskrogsbåtar, og eigde i mange år prototypen for Dragonfly 800.  W17 blei konstruert og bygd med tanke på eigen bruk, men byggeplanar er no selde i over 150 eksemplar i alle verdsdelar. Toppfart er målt til 15 knop, og 10 knop er ganske vanleg. Rigg er tilgjengeleg i to versjonar - ein turversjon med roterande vingemast i tre og mindre seglføring, og ein sportversjon med roterande vingemast i karbon og større seglføring; planar for bygging av mast er inkludert. Ein forlenga versjon (W19) med krypinn-kabin for ein person er under bygging, og kan blir gjort tilgjengeleg. Denne har svingfalding (sideskroga svingar bakover og inn mot hovudskroget). Byggemateriale er epoksy kryssfinér.

• synkefri med sjølvlensande cockpit
• beskytta cockpit med ryggstø (i motsetning til mange andre små trimaranar der ein sit oppå båten
• kan transporterast på vanleg hengar; med flat botn kan båten sjøsetjast på enkelt vis
• faldbar; sideskroga svingar opp og kviler på hovudskrog (svingfalding inn mot hovudskrog er under utvikling)
• skroglengde 5,2 m
• total breidde 4,2 m, samanfalda breidde 2,2 m 
• svingbar sverdkjøl i hovudskrog
  
• svingbart ror i hovudskrog
  
• netto vekt 185 kg
• turversjon har roterande vingemast i tre: 7,35 m 
• turversjon seglføring: storsegl 11,1 m2, fokk 4,4 m2, medvindssegl 9,6 m2
• sportversjon har roterande vingemast i karbon: 8,0  m
  
• sportversjon seglføring: storsegl 13,7 m2, fokk 4,9 m2, medvindssegl 10,5 m2
• materialkostnader er om lag NOK 100.000; byggetid 700-900 timar